Kabhi chand chhat pe bula liya

by **yasir101** Sat Aug 29, 2009 9:45 am

woh samr tha meri duaon ka
usse kisne apna bana lia

meri ankh kis ne ujarh di
mera khawab kisne chura liya

tujhe kya bataon k dil nasheen
tere ishq main teri yaad main

kabhi guftugu rahi phool se
kabhi chand chhat pe bula liya

meri jang ki wohi jeet thy
meri gatah ka wohi jashn tha

main giri to usne dorr ker
mujhe bazuon main utha liya

meri chand chhone ki hasraten
meri khushbu hone ki khwahishen

tu mila to aisa laga mujhe
jiski talab thy usse paa lia